لا للاباحية

ياريت تشاركو في الحملة دي و ننجحها و علشان تنجح لازم حاجتين اننا نزود عدد الناس المشتركة في الجروب علشان لو حبينا نخاطب مواقع زي اليوم السابع و غيرها تستجيب و الحاجة التانية المواضيع المتعلقة بالموضوع ده و الافكار اللي انتو متصورينها

ياريت تدعو الناس للحملة دي و تشاركو معانا

http://www.facebook.com/home.php#!/home.php?sk=group_193216377360904&ap=1

العقل وللا القلب ؟

العقل : انا اللي بيا وزنو الحروف و عقلو الكلام اللي بيتقال .
القلب : انا اللي بيا حسّو الكلام و عرفو الهوي و قالو فيه ميت موال و موال .

العقل : انا اللي بيا حطّو الخطط و عدّو بيها المحال .
القلب : انا اللي بيا شافو الأمل و عدّو المخاطر و هدّو الجبال .

العقل : انا اللي حكّموني في القواضي احكم و افصل في نقط مافيهاش فصال .
القلب : انا اللي من جوايا روح القانون انتشر و خلّي الميزان من غير اختلال .

العقل : انت اللي خليت العذاري يتحيرو و شباب يتوهو وسط الاطلال .
القلب : و انت ملا نشفت اتكسرت و موتّني علشان تفكير زي العيال .

العقل : انا اللي بيا عرفو الحكمة و فهمو الدليل لكل الاعمال .
القلب : انا اللي بيا عرفو الرحمة و بيها لانت اشد الرجال .

العقل : انت اللي اصل فيك تتقلب و تتغير و تتحول من حال الي حال .
القلب : انت اللي بيك علماء اتغرّو و كفرو بخالقهم الواحد المتعال .

العقل : انا اللي بيا الكلام ابتدا و بداية الكلام علي مقامي خير استدلال .
القلب : انا اللي بيا الكلام انتهي و آخر شئ افضله و اسأل العشر الاواخر و اخر الليال .

العقل : انا اللي من غيرك ابقي حقر و الحجر بيتكسر مهما العمر طال .
القلب : ده انا اللي من غيرك اتوه و امشي في طرق الضلال .

العقل و القلب : احنا اللي لو امورنا استوت و اتزنت تلاقي الخير من البشر سال .

الشيخ محمد حسان : مرتكب حادث الإسكندرية ليس مسلماً.. والإسلام يأمرنا بتأمين وحماية دور العبادة كافة

أدان الداعية الإسلامى محمد حسان أحداث كنيسة القديسين الإرهابية، والتى أسفرت عن مقتل 21 شخصاً وإصابة 43 آخرين، وقال فى بيان خاص أرسله لـ"اليوم السابع" اليوم السبت: "نحن ندين هذا الحادث تمامًا وأنه لا يمكن أن يصدر من مسلم يعرف الإسلام لأن الإسلام من الناحية الشرعية يكلف المسلمين الحفاظ على أمن وحرمة دور العبادة جميعًا سواء كانت إسلامية أو غير ذلك".. وأكد حسان أن الذى يرتكب هذا الحادث يضر بالمصلحة العليا للمسلمين، لأن ذلك من شأنه ضرب الوحدة الوطنية ونحن نتعرض فى المنطقة كلها لمخططات تهدف إلى تفكيك وحدتنا".. وفيما يلى نص البيان:

حرمة دماء الذميين والمعاهدين
فى المدينة حيث تأسس المجتمع الإسلامى الأول وعاش فى كنفه اليهود بعهد مع المسلمين، وكان صلى الله عليه وسلم غاية فى الحلم معهم والسماحة فى معاملتهم حتى نقضوا العهد وخانوا رسول الله صلى الله عليه وسلم، أما من يعيشون بين المسلمين يحترمون قيمهم ومجتمعهم فلهم الضمان النبوى، فقد ضمن صلى الله عليه وسلم لمن عاش بين ظهرانى المسلمين بعهد وبقى على عهده أن يحظى بمحاجة النبى صلى الله عليه وسلم لمن ظلمه فقال صلى الله عليه وسلم: «ألا من ظلم معاهداً أو انتقصه أو كلفه فوق طاقته أو أخذ منه شيئاً بغير طيب نفس فأنا حجيجه يوم القيامة»، وشدد الوعيد على من هتك حرمة دمائهم فقال صلى الله عليه وسلم: «من قتل معاهداً لم يرح رائحة الجنة وإن ريحها يوجد من مسيرة أربعين عاماً»، تلك صور من سماحة النبى صلى الله عليه وسلم مع غير المسلمين.

أما التطبيق الحضارى لسماحة الإسلام فى معاملة غير المسلمين فصوره المشرفة كثيرة، ومنها: عدم إكراههم على ترك دينهم فيتركون وما يدينون ولا يكرهون على الدخول فى الإسلام بعد دعوتهم إليه بالحكمة والرحمة، ومنها: عدم إيذائهم فلا يجوز لأحد من الناس أن يؤذيهم أو يضيق عليهم، والإحسان إليهم والبر بهم، حيث ينعم غير المسلمين من أهل هذه البلاد بحسن الجوار وشتى صور الإحسان والتسامح فى المعاملة.

أمر الإسلام بالوفاء بالعهود التى أخذها المؤمنون على أنفسهم أو على غيرهم وعدم الإخلال بها، قال تعالى: {وَأَوْفُواْ بِعَهْدِ اللّهِ إِذَا عَاهَدتُّمْ وَلاَ تَنقُضُواْ الأَيْمَانَ بَعْدَ تَوْكِيدِهَا وَقَدْ جَعَلْتُمُ اللّهَ عَلَيْكُمْ كَفِيلاً إِنَّ اللّهَ يَعْلَمُ مَا تَفْعَلُونَ} سورة النحل:91، وقال سبحانه: {وَأَوْفُواْ بِالْعَهْدِ إِنَّ الْعَهْدَ كَانَ مَسْؤُولاً} سورة الإسراء:34.

فالوفاء بالعهود من سمات المؤمنين الصادقين، قال تعالى: {وَالْمُوفُونَ بِعَهْدِهِمْ إِذَا عَاهَدُواْ وَالصَّابِرِينَ فِى الْبَأْسَاء والضَّرَّاء وَحِينَ الْبَأْسِ أُولَئِكَ الَّذِينَ صَدَقُوا وَأُولَئِكَ هُمُ الْمُتَّقُونَ} البقرة:177.

حرمة دماء أهل الذمّة والمعاهدين
من هنا فيحرم قتل الذمى بغير حق ولقد كان صلى الله عليه وسلم يوصى كثيرًا بأهل الذمة والمستأمنين وسائر المعاهدين، ويدعو إلى مراعاة حقوقهم وإنصافهم والإحسان إليهم وينهى عن إيذائهم..

وروى أبوداود فى السنن عن صفوان بن سليم عن عدة من أبناء أصحاب رسول اللّه صلى اللّه عليه وسلم، عن آبائهم عن رسول اللّه صلى اللّه عليه وسلم قال «ألا من ظلم معاهداً أو انتقصه أو كلفه فوق طاقته أو أخذ منه شيئاً بغير طيب نفسٍ فأنا حجيجه (أى أنا الذى أخاصمه وأحاجه) يوم القيامة.

عن عبد الله بن عمرو رضى الله عنهما عن النبى صلى الله عليه وسلم قال: (من قتل معاهداً لم يرح رائحة الجنة، وإن ريحها توجد من مسيرة أربعين عاماً(.

وإذا أجار أحد من المسلمين مشركا فى دار الإسلام فيجب معاونته على ذلك ويحرم خفر ذمته، ففى الصحيحين عن أبى مرة مولى أم هانئ بنت أبى طالب أنه سمع أم هانئ بنت أبى طالب تقول: ذهبت إلى رسول الله صلى الله عليه وسلم عام الفتح، فوجدته يغتسل، وفاطمة ابنته تستره، قالت: فسلمت عليه، فقال: (من هذه). فقلت: أنا أم هانئ بنت أبى طالب، فقال: (مرحبا بأم هانئ)، فلما فرغ من غسله، قام فصلى ثمانى ركعات، ملتحفاً فى ثوب واحد، فلما انصرف، قلت: يا رسول الله، زعم ابن أمى، أنه قاتل رجلاً قد أجرته، فلان بن هبيرة، فقال رسول الله صلى الله عليه وسلم: (قد أجرنا من أجرت يا أم هانئ)، قالت أم هانئ: وذاك ضحى.

وروى أبوداود فى السنن عن عَمْرِو بن شُعَيْبٍ عن أبِيهِ عن جَدّهِ قال رَسُولُ الله صلى الله عليه وسلم: "المُسْلِمُونَ تَتَكَافَأُ دِمَاؤُهُمْ يَسْعَى بِذِمّتِهِمْ أدْنَاهُمْ وَيُجِيرُ عَلَيْهِمْ أقْصَاهُمْ، وَهُمْ يَدٌ عَلَى مَنْ سِوَاهُمْ يَرُدّ مُشِدّهُمْ عَلَى مُضْعِفِهِمْ، وَمُتَسَرّيهمْ عَلَى قَاعِدِهِمْ لاَ يُقْتَلُ مُؤْمِنٌ بِكَافِرٍ وَلاَ ذُو عَهْدٍ فى عَهْدِهِ."

وعن عمرو بن الحمق رضى الله عنه قال سمعت رسول الله صلى الله عليه وسلم يقول: أيما رجل أمن رجلاً على دمه ثم قتله فأنا من القاتل برىء وإن كان المقتول كافراً، رواه ابن ماجة وابن حبان فى صحيحه واللفظ له، وقال ابن ماجة فإنه يحمل لواء غدر يوم القيامة.
وقال ابن حزم فى (مراتب الإجماع): (واتّفقوا أن دمَ الذمى الذى لم ينقض شيئاً من ذمّته حرام ).

وصية النبى صلى الله عليه وسلم بالذميين خصوصًا أهل مصر
الوصيّة بأهل الذمّة، وصيانة أعراضهم وأموالهم، وحفظ كرامتهم عن أبى ذر عن رسول الله صلى الله عليه وسلم قال: إنكم ستفتحون مصر وهى أرض يسمى فيها القيراط، فإذا فتحتموها فاستوصوا بأهلها خيراً، فإن لهم ذمة ورحما.

وصية عمر بن الخطاب رضى الله عنه بالذميين
وأخرج البخارى من طريق عمرو بن ميمون أن عمر رضى الله عنه قال - فى وصيته للخليفة الذى بعده - وأوصيه بذمة الله وذمة رسوله أن يوفى لهم بعهدهم، وأن يقاتل من وراءهم ولا يكلفوا إلا طاقتهم".

قمة العدل معهم ولا يجوز غيبتهم
عن العرباض بن سارية قال: قام رسول الله صلى الله عليه وسلم فقال: «أيحسب أحدكم متكئا على أريكته يظن أن الله لم يحرم شيئاً إلا ما فى هذا القرآن ألا وإنى والله قد أمرت ووعظت ونهيت عن أشياء إنها لمثل القرآن أو أكثر وإن الله لم يحل لكم أن تدخلوا بيوت أهل الكتاب إلا بإذن ولا ضرب نسائهم ولا أكل ثمارهم إذا أعطوكم الذى عليهم»، رواه أبوداود وفى إسناده: أشعث بن شعبة المصيصى قد تكلم فيه والحديث قابل للتحسين.

ويقول القرافى: (إن عَقْد الذمة يوجب حقوقاً علينا لهم؛ لأنهم فى جوارنا وفى خفارتنا، وذمّةِ الله تعالى، وذمّةِ رسوله)، ودِينِ الإسلام، فمن اعتدى عليهم ولو بكلمة سوء، أو غِيبة فى عِرْض أحدهم، أو نوع من أنواع الأذيّة، أو أعان على ذلك، فقد ضيّعَ ذمّة الله تعالى وذمّة رسوله (وذمة دين الإسلام(

الوصية النبوية بالأقارب غير المسلمين
ومن جمال الإسلام أن اختلاف الدين لا يُلْغى حقَّ ذوى القربى.
وعن أسماء بنت أبى بكر رضى الله عنه قالت: قدمت على أمى وهى مشركة فقلت يا رسول الله إن أمى قدمت على وهى راغبة أفأصلها؟ قال: «نعم صليها». متفق عليه
إن البرّ والإحسان والعَدْلَ حقٌّ لكل مْنْ لم يقاتل المسلمين أو يُظاهر على قتالهم، بل حتى المقاتل يجوز بِرُّهُ والإحسان إليه إذا لم يقوِّه ذلك على قتال المسلمين وأذاهم.

القرآن يتكلم عن الذميين
قال الله تعالى: »لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِى الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ» الممتحنة:8.

قال ابن جرير: (عُنى بذلك: لا ينهاكم الله عن الذين لم يقاتلوكم فى الدين من جميع أصناف الملل والأديان، أن تبرُّوهم وتصلوهم وتُقسطوا إليهم؛ لأن بِرَّ المؤمنِ من أهل الحرب ممن بينه قرابةُ نسب، أو ممن لا قرابة بينه وبينه ولا نسب غيرُ مُحَرَّم ولا منهىٍّ عنه، إذا لم يكن فى ذلك دلالةٌ له أو لأهل الحرب على عورة لأهل الإسلام، أو تقويةٌ لهم بكُراع أو سلاح، وقوله: (إِنَّ اللَّهَ يُحِبُّ الْمُقْسِطِينَ) يقول: إن الله يحب المنصفين الذين ينصفون الناس، ويعطونهم الحقَّ والعدل من أنفسهم، فيبَرُّون من بَرَّهم، ويحسنون إلى من أحسن إليهم(

احذر ظلم الذميين
فقد حذّر النبىّ صلى الله عليه وسلم من دُعاء المظلوم ولو كان كافراً، عن أبى عبد الله الأسدى قال سمعت أنس بن مالك رضى الله عنه يقول قال رسول الله صلى الله عليه وسلم: دعوة المظلوم وإن كان كافرا ليس دونها حجاب، فى المسند.

وبذلك يؤكد الإسلام فرض العدل مع غير المسلمين، بأقوى تأكيد، والعَدْلُ رأس كُلّ فضيلة.
وإن ديننا يأمرنا بالعدل مع أعدائنا، وينهانا عن الاعتداء عليهم أكثر ممّا اعتدوا به علينا لدينٌ حقيقٌ أن يَحْتَكِمَ إليه البشرُ جميعُهم، وأن يُتَقاضَى إليه فى أرض الله وبين عباد الله.
فبهذه الأخلاق والآداب يُعامل المسلمون غيرَ المسلمين، وهذه الأخلاقُ والآداب من دين الإسلام، يأمرهم بها كتابُ ربهم وسُنَّةُ نبيّهم ومادامت من دين الله تعالى، ويجوز التعامل معهم فيما يلى:

-1 البيع والشراء:
وقد روى البخارى فى كتاب البيوع باب الشراء والبيع مع المشركين وأهل الحرب، عن عبدالرحمن بن أبى بكر رضى الله عنهما قال: كنا مع النبى صلى الله عليه وسلم ثم جاء رجل مشرك مشعان طويل بغنم يسوقها فقال النبى صلى الله عليه وسلم: «بيعاً أم عطية» أو قال: أم هبة؟ فقال: لا.. بيع، فاشترى منه شاة.. فما بالنا بأهل الذمة.

-2 الرهن عندهم
وكان صلى الله عليه وسلم يعامل مخالفيه من غير المسلمين فى البيع والشراء والأخذ والعطاء، فعن عائشة رضى الله عنها قالت: «توفى النبى صلى الله عليه وسلم ودرعه مرهونة عند يهودى بثلاثين، يعنى: صاعا من شعير.

-3 والمتاجرة فى بلادهم:
وكان أبوبكر رضى الله عنه يتاجر فى أرض الشام وهى حينذاك دار حرب فى حياة رسول الله صلى الله عليه وسلم.

-4 الوقف عليهم أو وقفهم على المسلمين:
قال ابن القيم: أما وقف المسلم عليه - على أهل الذمة - فإنه يصح منه ما وافق حكم الله ورسوله، فيجوز أن يقف على معين منهم، أو على أقاربه، وبنى فلان ونحوه.

-5 عيادتهم:
روى البخارى فى كتاب الجنائز، عن أنس رضى الله عنه قال: كان غلام يهودى يخدم النبى صلى الله عليه وسلم فمرض فأتاه النبى صلى الله عليه وسلم يعوده، فقعد عند رأسه فقال له: أسلم فنظر إلى أبيه وهو عنده فقال له: أطع أبا القاسم صلى الله عليه وسلم فأسلم، فخرج النبى صلى الله عليه وسلم وهو يقول :«الحمد لله الذى أنقذه من النار»، وروى أيضاً: قصة أبى طالب حين حضرته الوفاة فزاره النبى صلى الله عليه وسلم وعرض عليه الإسلام.
يجوز الانتفاع بما عندهم:
إن الإسلام يتسامح فى أن يتلقى المسلم من غير المسلم ما ينفعه فى علم الكيمياء والفيزياء والفلك والطب والصناعة والزراعة والأعمال الإدارية وأمثال ذلك، وأدلة الانتفاع بهم نجدها فى سنة رسول الله صلى الله عليه وسلم، فقد ورد فى الحديث الصحيح الذى رواه البخارى وغيره فى كتاب الإجارة باب استئجار المشركين عند الضرورة أو إذا لم يوجد أهل الإسلام.

عن عائشة رضى الله عنها واستأجر النبى صلى الله عليه وسلم وأبوبكر رجلاً من بنى الديل ثم من بنى عبد بن عدى هادياً خريتاً- الخريت: الماهر بالهداية - قد غمس يمين حلف فى آل العاصى بن وائل وهو على دين كفار قريش فأمناه، فدفعا إليه راحلتيهما، وواعداه غار ثور بعد ثلاث ليال، فأتاهما براحلتيهما صبيحة ليال ثلاث فارتحلا.. الحديث.. فما بالنا مع الذمى.

القرآن يتكلم عن حل ذبائحـهم وجواز النـكاح من نسـائهم
قال الله تعالى:
"الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِى أَخْدَانٍ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِى الْآخِرَةِ مِنَ الْخَاسِرِينَ" سورة المائدة:5 .

قبول هدايا غير المسلمين
وكان صلى الله عليه وسلم يقبل هدايا مخالفيه من غير المسلمين فقبل هدية زينب بنت الحارث اليهودية امرأة سلام بن مشكم فى خيبر، حيث أهدت له شاة مشوية قد وضعت فيها السم.

وقد قرر الفقهاء قبول الهدايا من الكفار بجميع أصنافهم حتى أهل الحرب، قال فى المغنى: "ويجوز قبول هدية الكفار من أهل الحرب لأن النبى صلى الله عليه وسلم قبل هدية المقوقس صاحب مصر".

وكان من سماحة النبى صلى الله عليه وسلم أن يخاطب مخالفيه باللين من القول تأليفا لهم، كما تظهر سماحة النبى صلى الله عليه وسلم مع غير المسلمين فى كتبه إليهم حيث تضمنت هذه الكتب دعوتهم إلى الإسلام بألطف أسلوب وأبلغ عبارة.

وكان صلى الله عليه وسلم يغشى مخالفيه فى دورهم، فعن أبى هريرة رضى الله عنه قال: «بينما نحن فى المسجد إذ خرج إلينا رسول الله صلى الله عليه وسلم فقال: انطلقوا إلى يهود، فخرجنا معه حتى جئناهم فقام رسول الله صلى الله عليه وسلم فناداهم فقال: (يا معشر يهود اسلموا تسلموا) فقالوا: قد بلغت يا أبا القاسم.. الحديث.. وعاد صلى الله عليه وسلم يهودياً، كما فى البخارى عن أنس رضى الله عنه» أن غلاما ليهود كان يخدم النبى صلى الله عليه وسلم فمرض فأتاه النبى صلى الله عليه وسلم يعوده فقال: (أسلم) فأسلم
هذه كلمات تتألق وتتلألأ فى سماء التسامح والعدل نقدمها اليوم فى وقت تكال فيه التهم للإسلام بأنه دين التطرف والإرهاب وسفك الدماء، فى الوقت الذى نشهد فيه من صور الوحشية والبربرية ضد المسلمين فى كثير من بقاع الأرض ما يندى له جبين الحقيقة خجلاً وحياءً، نقدمها بعز وفخار ونحن نردد «مسلمون لا نخجل((
فنسأل الله تبارك وتعالى أن يحفظ مصر من الفتن ما ظهر منها وما بطن، وأن يجعلها أمنًا أماناً سخاءً رخاءً وسائر بلاد المسلمين.

لا تعامل الناس علي انهم ملائكة او شياطين و انما عاملهم علي انهم بشر

كن نصف بطل من حديد افضل من ان تكون بطل من ورق

بين الثقة و الغرور شعرة لا اراها

كتير اوي المعرفة السطحية لشخص احسن من معرفة تفاصيل حياته

اجعل ظاهرك كباطنك
علي الفطرة التي خلقك الله عليها
تنل رضا الله

اعرف

اعرف صاحبك تعرف نفسك

اعرف نفسك تعرف قيمتك

اعرف قيمتك تعرف ضعفك

اعرف ضعفك تعرف احتياجك

اعرف احتياجك تعرف ذُُلك

اعرف ذلك تعرف مصدر عزتك

مصدر عزتك هو اللي خلقك

عن ابن مسعود رضي الله عنه قال :
قال صلى الله عليه وسلم:
من لازم الاستغفار
جعل الله له من كل ضيق مخرجاً
ومن كل هم فرجاً ورزقه من حيث لا يحتسب

نظرتين

نظرة تشاؤم :
عيش النهاردة علي انه احسن ايام حياتك لأن بكرة ماتعرفش فيه إيه .

نظرة تفاؤل :
ارضا بالمكتوب و خليك واثق ان في قضاء ربنا الخير كله
ثبت ان النبي -صلى الله عليه وسلم- قال:
"إن عظم الجزاء مع عظم البلاء، وإن الله إذا أحب قوما ابتلاهم،
ومن رضي فله الرضا، ومن سخط فله السخط"
( و خليك فاكر : الدواء ممكن يكون مر بس بيبقي فيه الشفاء )

أحقاد

والله الواحد اتخنق من الناس دي و مش عارف هما عايشين ازاي ، و كنت فاكر انهم بيحقدو في مواقف معينة ، بس اتضح انهم بيحقدو في كل المواقف و انه طبع فيهم ، و الاهم من ده انهم طول ما في مصيبة بتلاقيهم معاك بس مش علشان يواسوك طبعا بيبقي علشان يفرحو فيك و ينشرو اخبارك لكل الناس ، و الاغرب من كل ده انهم بيدافعو عن نفسهم و كأنهم ماعملوش اي حاجة و كمان يطلعوك انك انت اللي غلطان و يعاتبوك و يخلو الناس يزعلو منك و كأنك انت اللي غلطان ، بجد حاجة تزهق خصوصا انهم لو كانو قرايبك مش مجرد معارف او اصحاب ، و الواحد محتار والله ازاي تبقي صلة الرحم مع الناس دي ، و لو الواحد بعد عنهم تبقي قطيعة للرحم ؟ و لو قابلتهم اقابلهم ازاي ؟ يعني اقابلهم و انا مكشر ؟ و للا اعمل اني مبسوط اني شفتهم ؟ بس هايبقي من ورا قلبي طبعا ، يمكن اكون محتار شوية بس اللي انا متأكد منه اني مش طايقهم و لا طايق سيرتهم و والله غصب عني بحس الاحساس ده و زي ما قالو ان النفوس جبلت علي حب من احسن اليها ، بس الاكيد اني هاصل رحمهم مهما حصل لأن الدين وصانا بده .
احسن نصيحة للناس دي : أخرج أبو داود من حديث " أبي هريرة رضي الله عنه عن النبي صلى الله عليه و سلم انه قال " إياكم والحسد فإن الحسد يأكل الحسنات كما تأكل النار الحطب أو قال العشب " .

مواقف و طرائف

اولا الله يبارك فيكم جميعا و عقبالكم يا رب و عقبال و لادكم و حبايبكم
ثانيا العقد كان بين المغرب و العشاء و كعادتي في الالتزام بالمواعيد رحت قبل العشاء بربع ساعة و الناس كلها كانت قاعدة في الجامع زهقانة و الشيخ قاعد يتكلم كلمة من اليمين و الشمال عقبال ما احضر العقد و اول ما حضرت الناس كانت ما بين حالين منهم اللي عايز يضربني علشان اتأخرت و منهم اللي قعد يسألني اتأخرت ليه لان التأخير خلاهم يقولو اني حصلي حاجة لان مافيش حد يتأخر في اليوم ده الا لما يكون حصلتله حاجة جامدة جدا ، طبعا سلمت عليهم و اعتذرت و سلمت علي الشيخ و قعدت جنبه ، و فجأة لقيت راجل بيقول للشيخ ان العشاء هاتأذن و انه مستعجل فلقيت الشخ دخل فيه جامد و كان هايحصل مشكلة و كل ده طبعا بسببي ، بعدها بدأت العصاير تتوزع و الحاجات الباقية و كنت جايب كتيبات اوزعها علي الناس في اليوم ده و اكتشفت ان منهم كتاب اسمه صعب جدا في اليوم ده و كان اسمه : ( انما اشكو بثي و حزني الي الله ) و كأني كنت شارب حاجة يوم ما اشتريت الكتاب ده و مش عارف والله عدت عليا ازاي و طبعا مش انا اللي خدت بالي انا لقيت الناس جاية تقوللي ايه اللي انت عملته ده و بدأو يحكولي هههههههههههههه ، و كمان ايويا زعل مني و خاصمني لاني جيت متأخر و خليت شكله و حش بس بصرف النظر عن كل ده كان يوم حلو ههههههههههههههه ، و بيني و بينكم المهم اني كتبت كتابي و خلاص و بكره كله ينسي اللي حصل ، و في النهاية اللي عايز ينظم اي مناسبة له يجيبني و انا اعمله يوم ماحصلش هههههههههههههههه

عقد زواج

ان شاء الله عقد الزواج بتاعي

أو ( كتب الكتاب باللفظ الدارج )

يوم الجمعة

رابع يوم العيد

19/11/2010

و كل سنة و انتم طيبين

شغل و صحبة أو راحة و وحدة ؟!!

اولا الحمد لله علي انتهاء الاستدعاء علي خير و جزاكم الله خيراعلي الاهتمام ، و بجد الواحد اتعلم كتير في الكام اسبوع دول و يمكن اتعلمت اكتر بكتير من السنة الي قضتها في الجيش بسبب سوء الظروف اللي مرينا بيها في الاستدعاء ، لان كان عندنا عرض عسكري و المشير كان موجود و كان بيفتتح كتية جديدة جنيبنا للبرمائيات ، و ماكانش في استدعاء غير للكتيبة بتاعتنا و حاولو يستخدمونا في كل حاجة او بعني اصح في كل انواع النظافة و شغل الفواعلية من تنظيف الارض من الحصا لحد شيل الرمل و الزلط و الحديد من الساعة 8 صباحا لحد 10 مساءا يوميا ، و يمكن دي تكون اول مرة اعمل فيها كده في حياتي فالموضوع كان صعب عليا شويتين ، بس ارجع و اقول الحمد لله ان الايام دي عدت علي خير و ماعرفش عدت ازاي ، و جينا في اخر يوم و كالعادة لقينا نفسنا زعلانين ان الايام دي خلصت مع اننا ماكناش طايقين نقعد ثانية كمان هناك ، بس اكتشفت ان الموضوع موضوع عشرة و تأقلم مع الوضع بالرغم من صعوبته و يوميها حبيت اطرح عليهم سؤال غريب شوية و هو : ( تحبو نتقابل في المكان ده هنا تاني بالرغم من التعب اللي هانشوفه ، و للا تحبو مانشفش بعض تاني بحيث مايكنش في شغل ؟ ) و علشان ماحدش يقول اننا نجمع بين الراحة و الصحبة لازم تعرفو اننا من بلاد مختلفة و مع زحمة الشغل والحياة صعب نتجمع تاني بالشكل ده و بالمدة دي و اختلفنا بالتأكيد لان مننا اللي قال انه يتمني نتجمع تاني و مش مهم نشتغل و نتعب بس نكون مع بعض و في اللي قال اننا ياريت مانشفش خلقة بعض تاني طالما في شغل و تعب بالطريقة دي ههههههههههههه ، و بصراحة احترت جدا و ماقدرتش اقول اختيار منهم لان الاتنين اصعب من بعض بس يمكن لان الايام خلصت علي خير بحلوها و مرها اقول اني اختار الصحبة طبعا بس لو كان حد سألني و انا في الايام دي كنت هاقول يقطع الصحوبية و اصحابها هههههههههههههه .

استدعاء

انا جالي استدعاء من الجيش
هايخلص يوم 6/11/2010 ان شاء الله
ادعولي

قعّدهم مع بعض

مين فينا مابيزعلش من غيره ؟!!! ، مين فينا مابيحصلش بينه و بين غيره مشاكل حتي لو اقرب الناس ليه ؟!!! ، بساكيد هانتفق ان المشكلة مش في لزعل نفسه لأن مع ضغوط الحياة و الحاجات اللي بنقابلها كل يوم ( و طبعا ده مع الخبيث اللي اهم وظايفه انه يفرق بين الناس و هو الشطان ) فبتلاقي نفسك علي اتفه الاسباب بتزعل مع صاحبك او اخوك ، و يمكن ده اللي حصل معايا في الشغل لما لقيت نفسي عملت مشادة مع واحد معايا في الشغل و ماكنتش لاقي طريقة نرجع بيها الصحوبية او الاخوة اللي كانت بيننا ، و الكبر اللي بيبقي جوه الواحد انه بتصالح مع حد ، و لما بعرف انه مش عايز يتصالح ده بيخليني اعند انا كمان ، و ده طبعا بيخلي الموضوع يزيد اكتر و اكتر ، و جه في دماغي فكرةاني اتكلم معاه و مش بس كده ، قلت اتكلم معاه في حاجة تانية غير الموضوع اللي فيه الزعل ، و فعلا لقيته بدأ يتغير و طريقة كلامه تتغير و بدأ كمان ينصحني في حاجات في الدنيا ، و عرفت اننا ماكناش هانوصل للمرحلة دي من الكلام غير لما بدأ حد فينا بالكلام و لما غيرنا الموضوع اللي فيه الزعل ،
نصيحة : اللي بينك و بينه مشكلة حاول تقعد معاه ، و لو في اتنين بينهم مشكلة اعمل اللي تقدر عليه علشان تقعدهم مع بعض .

اقفل الخط

لو لقيت حد بيعاكسك في التليفون و الموضوع بيتكرر اكتر من مرة ، لو لقيت حد حاطك في دماغه و مش عايز يسيبك في حالك ، لو لقيت نفسك بدأت تتضايق من كتر الكلام و الزن علي ودانك ، الموضوع ببساطة حله انك تقفل الخط ، و الكلامة دي سمعتها في برنامج للشيخ محمد حسين يعقوب و هو بيقول للي سايبين الشيطان يلعب في دماغهم انهم يقفلو الخط ، و عجبتني الفكرة أوي و حاولت اشبهها بأن لو واحد بيعاكسك في التليفون و انت قعدت تتكلم معاه كتير و هو طبعا بيحاول يستفزك اكتر و بيبقي كل غرضه انه يطول معاك في الكلام اكيد هاتبقي خسران سواء تضييع الوقت معاه او انه قدر يأثر عليك و يخليك تعمل حاجات المفروض ماتعملهاش ، و هو ده اللي الشيطان بيحاول يعمله معانا انه يشغلنا اكتر وقت ممكن و المشكلة اننا كل ما هانطول معاه هو اللي هايكسب لأن الخواطر كا ما بتطول بتترجم لأفعال ، و لأن الشيطان أقوي مننا لأنه شايفنا و عارف عننا اللي بنعمله و احنا مش شايفينه ، و لو طبقنا الكلام ده علي الدنيا كمان و بالذات لما بتحصلنا مشكلة لقيت ان احسن حل لأي مشكلة هو اننا ننهيها بأسرع ما يمكن و الغريبة ان في ناس بتحب تماطل في حل المشكلة أو لما بتحلها مابتنهيهاش للآخر و بتسيب الباب موارب و في أقرب فرصة المشكلة بترجع تاني ، و ده ممكن اللي الناس بتقول عليه ان المصايب بتيجي كلها مرة واحدة لأن صاحبها ماحاولش يخلصها للآخر و بيسيبها متعلقة ،
الخلاصة : لما تلاقي الشيطان مش سايبك في حالك و انت مش قادر عليه استعين بأقوي منه و هو ربنا سبحانه و تعالي

و اقفل الخط .

قناع واقي

كنت فاكر إني اتعلمت كل حاجة في الجيش و يمكن ده لأني شفت و عاشرت ناس ماتتعاشرش ، بس الظاهر ان الواحد خرج من جيش لجيش تاني و هو الحياة بشكل عام و الشغل بشكل خاص ، الواحد ممكن يشوف ناس كتير يحبهم و يآمنلهم بس للأسف مابيبقاش واخد باله أنهم ممكن يكونو لابسين قناع ، و يمكن القناع ده بيبقي تحت مسميات كتير زي ( الوجاهة الإجتماعية ، الذكاء ، فن المعاملة ) بس كل ده للأسف الفرق بينه و بين النفاق شعرة ، و طبعا ماقدرتش أعرف الشعرة دي و يمكن مش شايفها لأنها رفيعة أوي ، بس اللي لاحظته اننا بقينا بنغير إسم الحاجة علشان نحليها في عنينا ، و بصراحة حاجة تخنق لما تكتشف ناس حواليك كانو بيدعو انهم خايفين علي مصلحتك و يهمهم أمرك و بتطلع في النهاية مجرد أداة للوصول لغايتهم و كتير بيدعوأنه العشم اللي بينكم هو اللي بيخليهم يعملو كده ، و لما تيجي تكلم حد منهم يقول انه بيتكلم من عشمه فيك و للأسف ممكن تصدقه لحد ما تلاقي نفسك لابس في الحيط ، و مشكلتهم الأكبر انهم بيبقو فاكرين ان ده زي القناع الواقي بالنسبة ليهم علشان يحمو نفسهم و يأمنو نفسهم ، بس من إمتي النفاق بيبقي قناع و من إمتي بيبقي واقي ؟!!! ، و لو حماه مرة مش هايحميه التانية لان زي ما الكذب مالوش رجلين برضو النفاق مالوش رجلين ، و أول ما اللي لابس القناع ده بينكشف أمره بتبقي وقعته صعبة اوي .
نصيحة : متآمنش للي بيقول انه خايف علي مصلحتك ، و آمن للي خايف فعلا علي مصلحتك .

ماذا بعد رمضان ؟

و لا تكونوا كالتي نقضت غزلها من بعد قوة أنكاثــــــــــاً
( سورة النحل 92 )

------------------------------

لازالت الأعمال بعد رمضان لم تنقطع :

* الصلاة :
- الصلاة في المسجد علي أوقاتها .
- قيام الليل و لو ركعتان .
* القرآن :
- ورد ثابت يوميا و لو صفحة بتدبر .
* الصيام :
- ستة أيام من شوال ( من صام رمضان ثم اتبعه ستاً من شوال كان كصيام الدهر)(رواه مسلم)
* الأذكار :
- أذكار الصلاة
- أذكار الصباح و المساء
- الأذكار العامة
- الأذكار الخاصة
* الصدقة
* الدعاء

--------------------------

كيف أعرف أنني من المقبولين ؟

* أن تجد قلبك أقرب إلي الله و أحب إليه .
* أن تحب الطاعات و تقبل عليها .
* أن لا تعود إلي الذنوب التي تبت منها في رمضان .
* أن لا تفقد الطاعات التي واظبت عليها في رمضان .
* أن تكون خائفا علي العمل ألا يتقبل .
* أن تجد أبواب الخير تفتح لك و أبواب الشر تغلق أمامك .
* أن تكون بعد رمضان أفضل مما كنت عليه قبله .

------------------------

تهانينا

* هنيئاً بالجزاء الوفير :
( كل عمل ابن آدم له إلا الصوم فإنه لي و انا اجزي به )(بخاري و مسلم)
* هنيئاً بالمغفرة :
(من صام رمضان إيماناً و إحتساباً غفر له ما تقدم من ذنبه)(بخاري و مسلم)
( من قام رمضان إيماناً و إحتساباً غفر له ما تقدم من ذنبه )(بخاري و مسلم)
( من قام ليلة القدر إيماناً و إحتساباً غفر له ما تقدم من ذنبه )(بخاري و مسلم)
* هنيئاً بالعتق :
( لله عند كل فطر عتقاء) (رواه أحمد و صححه الألباني)
* هنيئاً بقبول الدعاء :
( ثلاثة لا ترد دعوتهم ) و ذكر منهم ( الصائم حتي يفطر ) (رواه أحمد و صححه الألباني)
* هنيئاً بالفرحتان :
( للصائم فرحتان يفرحهما إذا أفطر فرح بفطره و إذا لقي ربه فرح بصومه ) (البخاري)
* هنيئاً بالشفاعة :
( الصيام و القرآن سشفعان للعبد يوم القيامة ، يقول الصيام : اي رب منعته الطعام و الشهوات فشفعني فيه ، و يقول القرآن : اي رب منعته النوم بالليل فشفعني فيه ، فيشفعان )(رواه أحمد و صححه الألباني)

الراحة لا تُنال بالراحة

جملتين و بس

* كما ان سيدنا يعقوب اشتاق لسيدنا يوسف
فشمّ قميصه عن بُعد
فلما أتي القميص ارتد بصيرًا
، هكذا أنت مع رمضان
فكلما اشتقت إليه بشدة
فعندما يأتيك يرتد قلبك بصيرًا .

* احذر من أن يدخل الوقت عليك
و أنت غير متهيئ له
فتعاقب بالتخذيل عن فعله
و التثبيط عن تحصيله
و احذر عدم الاستعداد للطاعات و خاصة
رمضـــان .

طموح بنت

بصراحة كنت اول مرة اسمع الكلمة دي ، و ماحدش يستغرب لان دي الحقيقة ، يعني اتعودت ان الشاب عنده طموح سواء في الشغل او في السكن او انه يجيب عربية احدث موديل و هكذا ، انما البنت طموحها ايه ؟ و ممكن طموحها يوصلها لايه ؟ و البنت دي موصفات الشاب اللي عايزة تتجوزه ايه ؟ ، لأن اكيد مش اي شاب هايعجبها او يملا عينيها ، و الاهم بقي ايه هي طريقة تفكيرها لان البنت اللي زي دي اكيد ليها طريقة تفكير مختلفة عن باقي البنات و حتي عن باقي الشباب ، و يا تري لو جوزها قالها تقعد في البيت و تراعي بيتها و ولادها لو عندهم ولاد هايبقي رأيها ايه ؟ ، طيب ليه مايكونش طموح البنت انها تكون بيت ناجح عن طريق جوزها و ولادها ، يعني بيوتنا زمان كانت بتطلع اساتذة و دكاترة و ناس مهمة و بالرغم من كده كانت الست كل طموحها هو ده و بتنكر ذاتها و بتبقي مبسوطة لمجرد انها ربت ناس تشيل المسؤلية و انها تقدر تساعد جوزها علي هموم الحياة ، و اكيد انا مش قصدي ان البنت مايبقاش عندها طموح ، بس لما بشوف جيل الصحابة كانت الست ليها دور مهم في تكوين الدولة بس من غير ما تظهر او من غير ما يبقي نفسها في منصب ، فكان طموحها انها تنشئ جيل مسلم ينفع نفسه و اللي حواليه ، رأيي ان لما الست زمان كان طموحها هو ان بيتها يبقي احسن بيت كانت انجح من الست دلوقتي علي الاقل ده واضح في الجيل اللي طالع ، و مدي التقصير في تربيته ، يا ريت نرجع نوزن الامور تاني و نحط كل حاجة في مكانها .

( وجهة نظر )

ربط كلام

اتربيت علي ان الكمة بيني و بين حد تاني تعتبر عقد حتي لو مش كاتبينه ، و الغريب في الموضوع اني لقيت ناس كتير بتنتقدني اني بلتزم بكلمتي ، و اكيد مش قصدي اني متربي احسن منهم او انهم اوحش مني ، بس برضو اكيد في حاجة غلط ، و ده بان ليا في موقفين الاول لما استأذنت المدير بتاعي في الشغل علشان اخد يومين اجازة و بالمرة اخد كام واحد من الشركة يغير جو معايا و اني ارجع السبت الصبح علي ميعاد الشغل ، و حصل في الامور امور و لقيتهم بيترجوني اني امد يوم كمان فالطبيعي اني قلتلهم مش هاينفع لاني ملتزم بكلمة مع المدير ، فجأة لقيت نقد شديد بينهال عليا من كل مكان و كأني سرقت حاجة منهم ، و كلهم زعلو مني و علشان يحلو الموقف كلمو المدير علشان يستأذنوه اني افضل معاهم ، و فعلا المدير وافق و كله تمام بس انا حسيت اني لازم التزم بكلمتي و اصريت اني امشي في ميعادي ، الموقف التاني و هو الاهم لما رحت اتقدم لبنت و تقريبا اتفقنا علي كل حاجة ، و بعدها بشوية ايام لقيتهم بيرجعو في الاتفاقات فقلتلهم احنا مش اتفقنا علي كل حاجة !!! ، قالو اه اتفقنا بس مافيهاش حاجة لو رجعنا في كلامنا ماهو كل الناس بيرجعو في اتفاقهم ، طبعا الكلام ماعجبنيش و الموضوع ماتمش ، الخلاصة : هو لسة الكلمة عقد بين الناس وللا الموضوع بقي كله ورقة و قلم ، و الوعد اللي بين الناس لو ماكنش مكتوب و موثق يبقي مش وعد !!! ، اظن مافيش احسن من كلام النبي في الحديث المشهور :

( آية المنافق ثلاث إذا حدث كذب , وإذا وعد أخلف , وإذا اؤتمن خان ) .

حقنة بنج

اولا الحمد لله علي كل حال و جزاكم الله خيرا انكم افتكرتوني ، بالنسبة ليا الموضوع كان جديد لاني اول مرة اعمل عملية و اعيش في الجو ده ، و كنت اول مرة اجرب حقنة البنج و لاني كنت بسمع ان البنج النصفي حقنته صعبة شوية فأصريت اني آخد بنج كلي و قعدت حوالي ربع ساعة دكتور البنج بيقنع فيا و بقنع فيه اني ابتنج بنج كلي مش نصفي لاني كنت عايز انام و اقوم الاقي الموضوع خلصان ، و في الاخر اقتنعت و اخدت بنج نصفي و استغربت من اللي بيحصل ، ان في حد بيشرح في جسمي و انا شايفه بس مش حاسس و بتكلم مع الدكتور و بنفتح مواضيع و بضحك معاه بالرغم من كل اللي بيعمله فيا ، و ساعتها افتكرت النبي ( صلي الله عليه و سلم ) انه ياما اتأذي و نذف دم و كان بيستحمل بس طبعا من غير بنج من بتاعنا و انما كان بيقول ( صلي الله عليه و سلم ) : ان لم يكن بك غضب علي فلا أبالي ، فلقيت اعظم حاجة ممكن تصبر الواحد علي اي ابتلاء في الدنيا هي ان ربنا يكون راضي عني و بس ، و افتكرت كلام الشيخ محمد يعقوب لما كان بيسأل : نفسك في ايه ؟ ، و كان الجواب ببساطه ( رضا ربنا ) ، و استدل بكلامه بالحديث : عن ربيعة بن كعب الأسلمي رضي الله عنه قال: كنت أبيت مع رسول الله صلى الله عليه وسلم فأتيته بوضوئه وحاجته فقال لي: " سل؟ ". فقلت: أسألك مرافقتك في الجنة، قال: " أو غير ذلك" قلت: هو ذاك. قال: " فأعني على نفسك بكثرة السجود " ، فبقت الامنية الوحيدة هي رضا ربنا و اي حاجة تانية تحصل مش مهم ، اظن ده لو هدفنا كانت امور كتيرة اتعدلت ، اللهم ارزقنا الرضا .

عملية جراحية

اسف علي الفترة اللي فاتت
الحمد لله عملت عملية جراحية بسيطة
ادعولي اني اقوم بالسلامة بسرعة ان شاء الله
شكرًا علي سؤالكم

توضيح

آسف لإنقطاعي المفاجئ

و إن شاء الله هابقي أوضح الأسباب

في السجل التجاري

كنت في مشوار تبع الشغل بخلص فيه ورق من السجل التجاري فقمت بدري و بدأت اليوم ، دخلت السجل و قلت للموظف بتاع الاستقبال علي الطلب بتاعي قال : روح اضغط علي الزرار اللي هناك ده و خدلك رقم ( قلت مش مشكلة يمكن الموظف التاني غايب و نشيل بعضنا برضو ) خدت رقم 3 ، دخلت الخزنة فقال : عايزين 4 جنيه ،ماكنش معايا غير 5 جنيه مجمدة ، فقال : معلش مش معايا فكة ( قلت جهة حكومية و مافيهاش فكة !!!!! مش مشكلة شوية و تجيله فكة و آخد الباقي و انا ماشي ) ، مالقيتش غير واحدة قاعدة معايا في قاعة الانتظار و شوية وجالها تليفون و اول ما خلصته لقيتها بتكلم نفسها و بتشاور بإيدها فبصيت حوليا مالقيتش غيرنا فبدأت اقلق ، و فجأة لقيتها اتنطرت من مكانها فاتخضيت و علشان الاحراج عملت نفسي اني لقيت حاجة ماشية تحت الكرسي ، و بعد انتظار كتيييير لقيت الكمبيوتر بينادي علي الرقم بتاعي قمت بسرعة للموظفة لقيتها بتقول : معلش اصلي بعمل تفريغ لبيانات الكونيكت ( مافهمتش يعني ايه بصراحة المهم انها مش شتيمة ) و رجعت مكاني ، بعد شوية كتيييرلقيتها بتنادي علي اسامي ( امال الرقم لزمته ايه !!! ) قعدت اسمع الاسامي مالقيتش الاسم بتاعي ، المشكلة ان البنت اللي كانت معايا مشيت و ماكنش في غيري ، و الست اللي بتنادي علي الاسامي بتبصلي بعد كل اسم ، قلت اريحها و اقوم اقولها علي الاسم بدل ما تتعب نفسها ، لقيتها بصتلي من تحت النظارة و قالت : ماتقعد مكانك يا استاذ ، رديت برخامة : اصلي مش لاقي مكان اقعد فيه ، رجعت مكاني بدل ما تعورني وللا حاجة ، شوية و راجل قعد معايا في القاعة و ماستناش كتير و الكمبيوتر اشتغل تاني و قال رقم 6 ، الراجل قام ( قلت يا حرام بيشتغلوالراجل و هايبقي شكله وحش ) لقيته خلص الورق بتاعه و مشي ، اتضايقت جدا و قلت ادور علي الكاميرات (يمكن تطلع الكاميرا الخفية ) ، قلت اطلع المصحف و اختم كام ختمة او اسبح كام الف تسبيحة لأن شكلها هاتطول ، و لقيت اسمي بيتقال ( هي عرفت اسمي منين !!! ) رحت اشوف لقيتهم بيندهو علي الساعي و اسمه زي اسمي ، قلت لا بقي انا اركب الوش الخشب و اروحلها و فعلا جاب نتيجة و بدأت تخاف مني ، قلتلها اني قاعد بقالي كتيييير و انا كده اتأخرت ، دورت علي الاسم في الورق اللي قدامها و لاقته ، و بدأت تتكلم بصوت واطي : معلش اصلي حلفت اني مش هنادي علي اسامي تاني لأن زميلتي دي مستخسرة تستخدم الكمبيوتر ، و قعدت تحكيلي المأساة اللي عايشاها مع زميلتها ، و اخيرا خلصت الورق بعد اليوم ما ضاع ، بس يمكن اكون استفدت حاجة اني ماحكمش علي الناس قبل ما اعرف الظروف اللي خلتهم يعملو كده و اني اعمل حسابي بعد كده و اخد معايا كيلو لب و فول لزوم التسلية .

ثانوية عامة

انا عارف ان العنوان و الصورة ممكن يدلو علي حاجة تانية خالص غير اللي انا اقصدها ، اكيد اول حاجة هاتخطر في بال اللي بيقرأ هي الدراسة و الامتحانات و المشاكل و الحلول و غيروووووو ، بس انا اقصد حاجة تانية خالص و هي اننا نعيش في ثانوية عامة ، بمعني اننا نكون هامشيين و طبعا ده ماينطبقش علي كل الناس بس للاسف كتير مننا ، فتلاقي حواليك ناس تعرفهم طريقة تفكيرهم سطحية و مالهاش قيمة و لو حبيت تاخد رأيهم تلاقي مالهمش رأي و لو لهم رأي يخلّوك تندم انك سألتهم علي رأيهم او انك عملت بيه ، و النوع التاني من الناس ( و اللي عندهم ثانوية عامة برضو ) تلاقيهم عايشين لواحدهم و مالهمش دعوة بغيرهم و دول اللي بيتقال عليهم ( معاهم معاهم عليهم عليهم ) يعني لو عندك مناسبة سعيدة تلاقيهم يادوب بيباركو حتي لو في ايدهم يساهمو في الفرحة دي و يكبروها ، و لو عندك مصيبة تلاقيهم يادوب بيعزّو حتي لو في ايدهم يوقفوها او يقللو المصيبة دي ، و للاسف مشكلة الناس دي انهم سلبيين و بيضيعو حقوقهم بأيديهم ، و طموحهم كله انهم يعيشو و خلاص و شعارهم اللي بيرفرف قدام عينهم هو ( و انا مالي ) و ده اللي بيسموه ( الأنامالية) يعني طالما انا عايش كويس ماليش دعوة بغيري و لو حد حاول ياخد حاجة بتاعتي غصب عني اقول مش مشكلة عندي غيرها و بينسي حاجة مهمة جدا و هي ان اللي خد الحاجة دي ممكن يكرر عملته طالما مالقاش اللي يقفله و ساعتها ممكن تيجي مع حد تفرق معاه لدرجة الحياة او الموت ، و عارف ان في ناس هاتفتكر اني بتكلم السياسة ، لأ طبعا لأن الاهم من السياسة بالنسبة ليا هو احنا نفسنا ( ديننا ، اخلاقنا ، تقاليدنا ) ( ولادنا ، اخواتنا ، اهلنا ، جيرانا ) ( شارعنا ، قريتنا ، مدينتنا ، مجتمعنا ) ، الخلاصة : ( من اهم اساليب الدعوة الي الله هو التخلّي عن الثانوية العامة و الأنامالية ، و معرفة طبائع الناس و كيفية الدخول الي قلوبهم قبل بيوتهم ) .

زي ظلك

اكيد سمعنا الكلمة دي قبل كده ، و ممكن نكون سمعناها من اقرب الناس لينا خصوصا لما تلاقي حد بيحاول يطمنك انه معاك و انه واقف جنبك فتلاقيه يقولك : ماتقلقش هاتلاقيني زي ظلك ، و الكلمة دي خلتني افكر في الموضوع بشكل مختلف شوية في موضوع العلاقات بين الناس ، و لقيت ان في سبب يعتبر من اهم اسباب وقوع المشاكل و الخلافات بين الناس و هو انهم زي ظلنا ، بمعني اننا كتير بنعامل الناس بطريقة معينة وبنبقي عايزينهم يعاملونا بنفس الطريقة او انهم يردو المعالة دي بعاملة زيها ، و من هنا بتبدأ المشاكل لاننا ببساطة بنحط نفسنا مكان اللي قدامنا في الموقف اللي بيتعرضله و بنشوف كنا هانتصرف ازاي و طبعا لان كل واحد مننا شايف نفسه مافيش زيه و انه بيتصرف بمثالية فبيبقي عايز اللي قدامه يعامله بنفس الطريقة ( المثالية ) ، و هي دي فكرة الظل ، ان اغلب الوقت الظل بتاعك مابيكونش قدك بالضبط فمرة تلاقيه اكبر منك و مرة تلاقيه اصغر منك و الوقت القليل اللي بيكون قدك بيكون واخد شكل الارض اللي مرسوم عليها فلو في طوبة في الارض و لو صغيرة هاتلاقي ظلك مرسوم علي الطوبة دي و مغير شكل الظل كله ، علشان كده ماتستناش من الناس انهم يعاملوك زي ما انت بتعاملهم او علي الاقل ماتتوقعش ان ده يحصل كتير و ده ببساطة لان الناس بالنسبة ليك
( زي ظلك ) .

كام كلمة

كلمة واحدة
ـــــــــــــــــ

المسؤولية

كلمتين
ــــــــــ

الإحساس بالمسؤولية

ثلاث كلمات
ــــــــــــــــــــ

الإحساس بالمسؤولية نعمة

أربع كلمات
ـــــــــــــــــــ

الإحساس بالمسؤولية نعمة أتمناها

خمس كلمات
ـــــــــــــــــــــ

الإحساس بالمسؤولية نعمة أتمناها و ماطلبهاش

تربية بنات

الكلمة دي سمعناها كتير علي الشباب المتربي كويس ، و الناس ماكنتش بتلاقي كلمة معبرة زيها ، فتلاقي الشاب زي الحيطة و بيتقال عليه متربي تربية بنات ، بس للاسف في ناس بتفهم ده غلط و بتقدره بطريقة مش حلوة و ممكن تتجرم ده لضعف في الشخصية او عدم الاحساس بالمسئولية ، و ده خلاني افتكر واحد من زمان كان في فترة الخطوبة و كان فاكر ان اخلاقه و تربيته هاتعجب اي حد ، بس للاسف اتفاجئ ان مش كل الناس زي بعضها و خطيبته بدأت تعايره و لو بهزار و بدأت تحس انه ماعندوش خبرة في الحياة لمجرد انها شايفاه متربي كويس ، و كانت فاهمة انه علشان ماكلمش بنات قبلها مثلا انه بكده يبقي خايب و مش هايعرف يتعامل معاها و النتيجة الطبيعية للموقف ده ان الخطوبة اتفشكلت ، و اكيد البنت دي مش قاعدة عامة زي ما الولد ده مش قاعدة عامة برضو ، و المشكلة الاكبر ان الناس كانو بيقولو تربية بنات لان تربية البنات المفروض تكون غير تربية الولاد و خصوصا في المجتعات الشرقية و مايعرفوش ان حتي تربية البنات ماعدتش زي الاول ( ده طبعا مش عند كل الناس و البيوت المحترمة لسة موجودة ) ، و للاسف الراجل بقي يمشي جنب بنته و هي لبسها مدخلاه في جسمها بصابونة و الناس كلها بتتفرج عليها ، و بقي عارف علاقتها بالشباب بحجة انها صداقة بريئة ( و طبعا ده مالهوش اصل في الدين و لا حتي في التقاليد بتاعتنا ) ، فبيقنا نلاقي شباب متربي احسن من تربية البنات ، و ابقي بكدب علي نفسي لو قلت ان الناس دي مش عارفة اصول التربية لان كلنا عارفين الصح و الغلط ، بس يا تري بنت زي دي هاترضي تاخد شاب متربي تربية بنات ؟ و لو الشاب ده خد بنت متربية زيه هاتبقي واثقة فيه انه يقدر يواجه الحياة ؟ ، ياريت تكون دي النسبة القليلة و نرجع تاني تربية البنات و اللي طبعا بتعتمد علي الأهل و زي ما قالو : ( إذا كان رب البيت بالدف ضارب فشيمة أهل البيت الرقص ) .

كلمة و نص ...(4)

* اذا صُبّ في الاناء زيت ثم صُبّ فوق الزيت ماء فإن الزيت يطفو فوق الماء ، فيقول الماء للزيت : لِمَ ترتفع عليّ و انا انبت شجرتك فأين الادب ؟ ، فيجيب الزيت : انت تجري في رضراض الانهار علي طلب السلامة اما انا فصبرت علي الطحن و العصر و بالصبر يرتفع القدر.

* اعلم ان الذي ابتلاك انما اسمه ( الرحيم ) فهو ارحم بك من امك .

* ما ابتُليت بلاء الا كان لله تعالي عليّ فيه اربع نعم : اذ لم يكن في ديني ، و اذ لم يكن اعظم ، و اذ لم احرم الرضا به ، و اذ ارجو الثواب عليه .

* القدر كالطبيب ان قدم اليك الطعام فرحت و قلت : لولا انه علم ان الغذاء ينفعني ما قدمه ، و ان منعه فرحت و قلت : لولا انه علم ان الغذاء يؤديني لما منعني .

* لا صديق لمن اراد صديق لا عيب له .

* اعلم ان سفينة الزواج انما قائدها واحد ، و لكن القائد الفطن هو من اخذ في الاعتبار رأي الآخر مع عدم الاصرار علي الخطأ .

* الدنيا كالبحر كما تستمتع به و بما فيه فاحذر ان يبتلعك فيه ، فإنما من صفاته الغدر ، فلا تركن الي الدنيا و زينتها و اعمل علي رضا الله و ارض به تنل جنة الدنيا و الآخرة .

* الناس كلهم هلكي الا العالمون ، و العالمون كلهم هلكي الا العاملون ، و العاملون كلهم هلكي الا المخلصون ، والمخلصون علي خطر عظيم ، فالعمل بغير نية عناء ، و النية من غير اخلاص رياء ، و الاخلاص من غير تحقيق هباء.

* اعلم انه من احب الله فلا يعصيه ، الا ان العصيان لا ينافي اصل المحبة ، انما يضاد كمالها ، فكم من انسان يحب الصحة و يأكل ما يضره ، و سببه ان المعرفة قد تضعف و الشهوة قد تغلب فيعجز عن القيام بحق المحبة .

* الهلاك في شيئين : العجب و القنوط ، القنّاط لا يطلب ، و المعجب يظن انه قد ظفر بمراده فلا يسعي .

ولد ، بنت ، شايب

دايما نسمع عن المثلث و نظريات عنه و عن اضلاعه ، و لما فكرت اطبق ده علي علاقات الناس ببعضها لقيت اهم تلات اضلاع في العلاقات هي الولد و البنت و الشايب ( اللي هو الناس الكبيرة ) ، نيجي للضلع الاول ( الولد ، البنت ) و العلاقة اللي بينهم و للأسف من كتر الثقافات المفتوحة حوالينا بقينا نلاحظ تكوين علاقات غريبة و كتيرة بين الشباب و البنات تحت مسمي الصداقة ( و اللي المفروض انه غلط ) و لما تيجي تكلم حد منهم يقولك احنا اخوات ، و ساعتها يا اما هو مش راجل او هي اللي مربية شنبها ، الضلع التاني ( الولد ، الشايب ) و للاسف العلاقة دي عادة او كتير منها بيكون مضطربة لان الولد اول ما بيشوف الدنيا بيبقي عايز يعمل كل حاجة و يجربها حتي لو متأكد انها غلط و انها ممكن تضره و مهما الشايب نصح الولد و حكاله عن خبراته علشان يستفيد منها برضو مابيقتنعش بسهولة او مابيقتنعش من اصله ، و بيبقي متصور ان النار طالما مالسعتنيش يبقي مش مضرة و مش هايقتنع غير لما يتلسع و يحس بألمها ، الضلع التالت و الاخير ( البنت ، الشايب ) و ده اخطر بكتير من الضلع التاني لان طبيعة البنت غير الولد ، بمعني ان الولد طبيعته انه يحكم عقله في اغلب الامور حتي في الامور ( العاتشفية ) اما البنت طبيعتها بتفرض عليها انها تحكم قلبها حتي و لو في الامور العقلية ، فأول ما بتخرج البنت للمجتمع و تحتك بيه بتتأثر بيه جدًا و بتبقي سهل تكون فريسة لاي حد ممكن يكلمها كلمتين حلوين او لمجرد نظرة اعجاب او حتي ابتسامة غرور ، فلو الشايب ماقدرش يفهمها الموضوع من الاول للاسف مش هايقدر يعرف آخرها ، و اظن هي دي الضلوع التلاتة للمثلث و اللي بتمثل المجتمع ، بس لما كنا بنحب نرسم مثلث ضلوعة متساوية كنا بنرسمه و جواه نقطة مركزية ( ايه الكلام الكبير ده ) ، و النقطة دي هنا هي علاقتنا بربنا ، يبقي علشان نخلي لضلوع مظبوطة لازم تكون الاول ليها علاقة بالنقطة المركزية يعني ( علاقتهم بربنا ) ، و الي هنا تنتهي حلقتنا من برنامجكم ( اتعلم ، اتنور ) و زي ما كنا بنقول ايام الدراسة بعد اثبات تجربة معينة : ( و هو المطلوب اثباته ) .

مش عيب

* مش عيب ان الواحد لما يغلط انه يعترف بغلطه و يقول انا غلطت ، لكن العيب هو انه يصر علي الغلط لمجرد انه متخيل انه هايبقي صغير اوي في نظر الناس لما يغلط.

* مش عيب ان الواحد ياخد بنصيحة غيره حتي لو كان اصغر منه او حتي ابنه ، لكن العيب انه يركب دماغه و ينشفها لحد ما يغرق .

* مش عيب ان الواحد يحس بالخوف او القلق و انه يحس انه محتاج حد جنبه يونسه و ياخد بإيده ، لكن العيب انه يكتم احساسه ده بس ساعتها هايفضل عايش لواحده حتي لو كل الناس حواليه .

* مش عيب ان الواحد يعترف بضعفه او علي الاقل يعترف بوجود حد اقوي منه ، لكن العيب انه يوهم نفسه انه قوي زيهم لحد ما يفوق و يكتشف ان مافيش ارض تحته و يقع علي رقبته .

* مش عيب ان عين الواحد تدمع من موقف حصله او حصل قدامه ، لكن العيب انه يكتم دمعته لحد ما يبقي نفسه في مره ينزل دمعته و يلاقي عينه مسدوده .

* مش عيب ان الواحد يحب ، لكن العيب انه ينسي ان الشخص اللي حبه ده ربنا سخره له و يبقي حبه للشخص مش لله.

* مش عيب انك تقرب من كل الناس و تكسب ودهم ، لكن العيب انك لما تحتاج واحد بس منهم متلاقيش غير نفسك .

* مش عيب انك تجري ورا الفلوس علشان تعيش مرتاح انت و اهلك ، لكن العيب انك تغمي عينك عن مصدر الفلوس و ماتحاولش تعرف ان كان حلال و للا حرام .

* مش عيب انك تحلم ببكره و طموحك مايبقاش له حدود ، لكن العيب انك تصدق حلمك و تفتكر انه واقع و لما تيجي تفتح عينك من الحلم و تلاقي الواقع ماترضاش بيه .

* مش عيب انك تحس بالفشل ، لكن العيب انك ترضي تعيش فاشل .

* مش عيب انك تكون اعمي ، لكن العيب انك تنكر وجود شئ لمجرد انك مش شايفه .

* مش عيب انك تقول : عيب ، لكن العيب انك تعيب علي الناس و انت فيك كل العيوب .

طموحلس

استغربت اوي لما كلمت واحد صاحبي و لقيته بيقوللي انه لسة مش لاقي شغل ، امال ايه اعلانات الوظايف الخالية اللي بتيجي كل يوم في ( الوسيط ) ، فسألته : انت دورت علي شغل ؟ ، قال : ماهو مافيش ، قلتله ، ايوة يعني انت دورت و مالقيتش ؟ ، قال : لا لأن مافيش شغل في البلد ، ، قلتله : مافيش حد من اصحابك او قرايبك جابلك شغل ؟ ، قال : جابولي بس بمرتب قليل ، قلتله : يعني الشغل موجود ، قال : ما انا مش قصدي ان مافيش شغل خالص انا قصدي ان الشغل الموجود مرتباته قليلة ، قلتله : يعني انت عايز تبدأ حياتك بكام ؟ و عايز تروح شركة مثلا و تبقي مدير اول ما تتعين ؟ ، قال : لأ بس علي الاقل آخد مرتب مناسب ، قلتله : ما انت لو حسبتها صح هاتلاقي ان السنين اللي ضاعت منك دي لو كنت بتاخد مرتب قليل كان زمانك دلوقتي بتاخد مرتب كبير و كان ممكن يبقي ليك منصب في شغلك ، و عرفت من ده ان ببساطة ممكن واحد يحول طموحه لفشل ، و لان طموحه انه يشتغل في شركة كبيرة و في منصب كبير و لأن ده مش موجود غير في الافلام ، فبقي مش عارف يأقلم نفسه علي الواقع ، و زي ما بيقولو ( من الحب ما قتل ) فممكن يبقي ( من الطموح ما عطل ) ، بس علي الاقل ده عنده طموح و ممكن يفوق في يوم و يبدأ حياته صح ، المشكلة بقي في اللي ماعندوش طموح اصلا و اللي بيسموه ( طموحلس ) ، زي واحد صاحب اخويا خريج صيدلة و قاعد علي القهوة ( الكافيه ) ، و اخويا اشتغل و اتجوز و ده لسة قاعد علي القهوة و لما بينصحوه بيقول : لسة بدري و الشغل هايفرق في ايه ؟ ، و المثال ده خايف يكون الناس بتطبقه في دينها ، بمعني ان واحد من كتر طموحه في العبادة و انه شايف انه بيعبد بشكل ضعيف فيقرر انه يبطلها خالص ، اما ( الطموحلس ) فده اصلا ماعندوش عزيمة و شايفها سودة علي طول فممكن يقول ( انا كده كده عاصي و مش نافع يبقي اصلّي و اعبد ليه ؟ ،و لما فكرت مين اصعب من التاني و حلهم ايه ، لقيت ان اللي عنده طموح مصيبته اقل لانه محتاج لواحد ياخد بيده و يوجهه و يستغل طموحه في الحاجة الصح ، اما الطموحلس ( و اللي بيسموه في الدين الغافل ) فده حسيت انه علشان يفوق لازم تحصله مصيبة علشان الصدمة تخليه يفوق ، و طبعا ده مش معناه اني اعمله مصيبة بس علي الاقل افكره بحاجات حصلت لناس زيه يمكن يتعلم من اللي جرالهم ، و يبقي الخلاصة ان الوسطية مافيش احسن منها .

عروسة روسية

ماحدش يفهمني غلط ، انا لسة بشجع الصناعة الوطنية و لسة مايأستش لدرجة اني ادور بره مصر ، بس كل الحكاية ان واحد اعرفه اتجوز بنت روسية من فترة قريبة ، و ماكانش هاممني هما اتعرفو علي بعض ازاي ، اللي هاممني هو المزايا اللي في البنت دي و اللي هو ملاحظها فيها قبل و بعد الجواز ، فكان رده غريب و ممكن كتير مايصدقوش ، بيقول انه بيبدأ يومه و هي بتصحيه بطريقة معينة و هي عبارة عن مساج خفيف علشان يفك جسمه من النوم ( النوم متعب برضو ) ، بعدها بتقدمله كباية مياه دافية بمعلقة عسل علشان معدته تتحرك ، بعدها بتحضرله الحمام ( اللي نفسي اعرف بيتحضر ازاي ) و تروح تحضر الفطار و اللي هي عبارة عن رغيف عيش صغير مع حتة جبنة و زتون و معلقة ردة علشان يحافظ علي نظامه الغذائي و معدته تكون مرتاحة ، بعدها و عقبال ما يلبس هدومه و يظبط نفسه علشان ينزل الشغل تكون هي لمعت جزمته اللي هايخرج بيها ، و بعدها تبدأ هي تجهز نفها بسرعة لان هي كمان بتشتغل ، بصراحة ماقدرتش اكمل شكل بقيت اليوم العجيب ده و قلت كفاية كده اصل الواحد مش ناقص يتعقد اكتر من كده ، بس في حاجة عجبتني اوي و هي انه لما بيجيب لها هدية حتي لو كانت اي حاجة رخيصة من واحد في الشارع بتبقي سعيدة جدا و الفرحة مش سايعاها ، ياتري البنت دي موجود منها كام ؟!!! او النوع ده من البنات موجود زيه اصلا عندنا ؟!!! ،اشــــك ، علي العموم خليكو فاكرين ان البنت دي اتربت في بلد مش مسلمة و يادوب هي اسمها مسلمة و بس من غير ماتعرف يعني ايه اسلام ، و احنا اللي متربيين علي الاسلام صعب نلاقي بنت زيها ، اظن الفرق بينهم و بيننا اننا اتولدنا لقينا نفسنا كده من غير ما نتعب انما هي سمعت عن الاسلام و تصرف الناس مع بعضها ( او التصرف اللي المفروض يكون بين الناس ) فحبت الدين ، بس للاسف في مسلمين في البطاقة بس ، و علي رأي اللي قال ( الله يرحمه ) انهم في البلاد دي عندهم اسلام من غير مسلمين ، علي العموم نصيحتي للشباب اللي داخلين علي جواز يتأكد انه مكتوب عليها ( صنع في روسيا ) .

هرمون ( ن ، ك ، د )

بعد ابحاث كتير و تفكير عميق و جهد مبذول اكتشفت حاجة رهيبة و في نفس الوقت مخيفة ، و هو اننا دايما نقول علي واحد مريض ان افرازات الحاجة دي عطلانة عنده او الهرمون الفلاني فيه قصور او زيادة مفرطة ، و فعلا لقيت حاجة عايشة جوه ناس معينة و ممكن نكون احنا كمان من الناس دي ، و الحاجة دي مكونة من 3 حروف ( ن ، ك ، د ) ، بس للاسف ياريته كان هرمون عادي لان ساعتها ممكن يبقي له علاج ، لكن النكد ممكن يعيش جوه الواحد من غير ما يحس و ممكن يكبر معاه و يتطور بمرور الوقت ، فتلاقي النكد بيبقي و للاسف طبيعة في الشخص و تلاقيه في عز ما الناس فرحانه يبقي مكشر و مش هاين عليه يبين سنانه ، و لو مثلا فرقته اللي بيشجعها جابت جول يقول : هانتغلب برضو و يعكنن علي اللي معاه ، فأصبح النكد هو خليط من ( الاكتئاب ، التشاؤم ، و في بعض الاحيان الرخامة ) ، لان الشخص النكدي بيحب دايما يعقد اللي قدامه و يتراخم عليه و يهد فرحته و يحول نظرة الامل لدمعة الم ، و يمكن لقيت اكتر ناس عارفين الحالة دي و عايشين معاها ليل و نهار ( المتجوزين ) ، لحد ما وصلو لمرحلة انهم بيتنافسو مين اللي متنكد اكتر من التاني ، و يقعدو يحكو لبعض عن قصص النكد اللي حصلتلهم في حياتهم الزوجية بكل فخر و اعتزاز ، بس الاهم من كل ده ازاي نعالج النكد ده ، ببساطة و لاننا عرفنا مكوناته ( اكتئاب ، تشاؤم ، رخامة ) ، فنبدأ بالاكتئاب و علاجه اننا ننصح المكتئب انه يرضا بالقدر و انه يكون عارف ان القدر ممكن يبقي زي الدواء طعمه مر بس فيه الشفاء ، ام التشاؤم علاجه اتباع النبي ( صلي الله عليه و سلم ) لانه نهانا عن التشاؤم و علمنا نكون متفائلين حتي في اصعب الامور ، اما الرخامة فعلاجها اننا نجيب الرخم و نديله بالجزمة لان الموضوع مش ناقص رخامة اهله .

بدون كلام

كنت بقول اننا بنحتاج في اوقات كتير للفضفضة ، بس اكتشفت مشكلة اكبر من الفضفضة ، و هي اننا ممكن نبقي عايزين نفضفض من غير ما نتكلم ، يعني بتبقي جوانا حاجات كتير سواء هموم او افراح عايزين حد يشاركنا فيها و برضو من غير ما نتكلم ، يمكن ده اصعب شوية من مجرد الفضفضة لان الفضفضة ممكن تبقي مجرد كلام مع حد و ممكن ماتفرقش معانا مين الحد ده المهم اننا نتكلم ، انما لما بتلاقي نفسك مش قادر تتكلم و الكلام محبوس جواك ساعتها بتبقي نفسك تقابل اللي يفهمك من مجرد نظرة او حتي من مجرد تنهيدة ، ممكن يكون الشخص ده يبقي الاب او الام او الاخ او الاخت او الصاحب او طبعا الزوج او الزوجة ، بس الاصعب من ده لما نحتاج نكلم ربنا و نحاول نشكيله همنا و تلاقي لسانك واقف و عاجز عن الكلام و ده بيحصل لما تكون عملت حاجة و عارف انه ( سبحانه و تعالي ) غضبان عليك بسببها ، و تيجي تدعي و تحاول تبدأ الكلام تلاقي الحروف مش عايزة تطلع و مش قادر تعمل حاجة غير ان دمعتك تنزل و انت ساجد و مطول في السجود و بتدور علي كلمة تبدأ بيها و مش لاقي ، بس بتلاقي نفسك قايم من السجود مرتاح و بتاخد تنهيدة كبيرة تحس بيها انك مطمن ان لو الدنيا كلها مش حاسة بيك و ماحدش واخد باله منك ان ربنا اللي خلقك و عارف اللي جواك من غير ما تقوله دايما معاك و في اصعب الظروف و اسهلها ، علشان كده خلي ثقتك دايما في ربنا و خللي اعتمادك كله عليه و علي رأي اللي بيقولو : ( ربنا ما يحوجنا لحد ) .

كلمة و نص ...(3)

الموضوع ده فيه كلام لعلماء ، او كلام لحكماء ، او كلام لنفسي فهمته منهم :

1- لا تشمت بأخيك فلعل الله سقاه بهذا البلاء دواء استخرج به منه داء قاتلا هو فيك و انت لا تشعر .
2- اعلم ان الله سبحانه وتعالى يمهل كأنه يهمل ، فترى أيدي العصاه مطلقة كأنه لا مانع ، ثم إذا أخذ أخذ أخذ جبار (ابن الجوزي ) .
3- لن تصح لك عبودية مادام لغير الله فيك بقية .
4- ما امر الله امرًا الا و للشيطان فيه نزغتان اما الي تفريط و تقصير و اما الي مجاوزة و غلو .
5- ان الشيطان يريدك ان تيأس ، فكلما و قعت في شرك المعاصي قم و انفض ثوبك تعلو عند الله .
6- الجماعة ما كان علي حق و لو كنت وحدك .
7- ان من اكبر معاصي القلوب ان تعلم ان به خبث مع علمك باطلاع الله عليه مع عدم تغيير ما في قلبك .
8- لإن أُعافي فأشكر خير لي من ان أُبتلي فأصبر .
9- الخُلُق كل الدين فمن نقص خُلُقه نقص دينه .
10- عليك بطُرُق الهدي و لا يوحشنك قلة السالكين ، و اياك و طُرُق الضلالة و لا يغرنك كثرة كثرة الهالكين .
11- سموم القلب الضارة : فضول الطعام ، فضول المنام ، فضول الكلام ، فضول مخالطة الانام .
12- من اهم مبادئ الدعوة : قم الي رغيفيك فاحرزهما ثم انصب قدميك للعبادة .
13- انت الذي كل الذي *** لو كنت تفعل ما تقول .

فضفضة

كلنا بيجيلنا وقت بنحب نقعد فيه لوحدنا و مابنبقاش عايزين نتكلم مع حد ، و بنحس في وقت تاني اننا مش طايقين نقعد لوحدنا و بندور علي حد نتكلم معاه و نقول له علي اللي جوانا ، و الاحساس ده ممكن ييجي في اي وقت و من غير ميعاد بس بيزيد اوي في مواقف معينة ، منها لما بنبقي فرحانين و عايزين نطلع اللي جوانا لان الموضوع ممكن كون اكبر مننا و الفرحة مش سايعانا ، و ممكن بنحتاج نفضفض لما بنبقي متضايقين و حاسين بخنقة و مش قادرين نستحملها لوحدنا فبنبقي عايزين نشارك همنا مع حد ، بس الفرق بين الفضفضة في حالة الفرح و في حالة الخنقة او الزعل هو الشخص اللي بنفضفضله ، لان في ناس بتتحملنا في وقت الفرح بس و ممكن تبقي اسعد مننا ، بس لما تيجي تشكيلهم او تشاركهم في مشاكلك تلاقيهم مش مستحملينك و مش عايزين يعرفوك بحجة ان اللي فيهم مكفيهم و يمكن الكلمة المعبرة عن كلامي ده كانت في رسالة واحد صاحبي بعتهالي بيقول فيها : ( جزي الله الشدائد كل خير عرفت بها من عدوي من صديقي ) ، و انا يمكن اتكلمت عن حالتين بس للفضفضة لان هما اهم حالتين من وجهة نظري ، بس في حالة تعتبر خطيرة جدا و هي ان حد يفضفض مع حد و يشتكيله من غيره و للاسف مابيقدرش يمسك نفسه و بيدخل في دايرة الغيبة و النميمة لانه بيبقي في الوقت ده مكسور وحاسس انه مظلوم و بيبقي فاكر انه لما يقعد يقطع في غيره و يطلع كل عيوبه انه بكده جبر كسره و مايعرفش ان دي تبقي غيبة و نميمة و بدل ما كان بيفضفض علشان يرتاح بقي بيفضفض علشان يغضب ربنا و مايعرفش انه بكده استحاله يكون مرتاح و لو حس انه مرتاح بيبقي مهموم لانه عامل زي اصابة اللعيب مابيحسش بوجع الخبطة و خطورتها غير بعدها بفترة ، علشان كده نصيحتي للي بيفضفضو انهم يبعدو عن الغيبة و النميمة و يبطلو يجيبو في سيرة الناس و مافيش احسن من حديث النبي ( صلي الله عليه و سلم ) لما علمنا ذكر نكفر بيه اللي قلناه في المجلس و هو : ( عن أبي هريرة رضي الله عنه قال : قال رسول الله صَلّى اللهُ عَلَيْهِ وسَلَّم : « مَنْ جَلَسَ في مَجْلس فَكثُرَ فيهِ لَغطُهُ فقال قَبْلَ أنْ يَقُومَ منْ مجلْسه ذلك : سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك : إلا غُفِر‏َ لَهُ ماَ كان َ في مجلسه ذلكَ » رواه الترمذي ).

البخيل وانا

كنت جايب عروسة لواحد صاحبي و بصراحة هو مش صاحبي اوي فامكنتش اعرف كل صفاته ، فلقيته بيقوللي في مرة و انا ماشي معاه انه راح لعروسة قبل كده و ماحصلش نصيب ، فحبيت اعرف السبب فلقيته بيقوللي : اصلي ادبست في عزومة ليها هي و بنت عمها ، فقلتله ازاي ، قال : اتفقنا نتقابل و نقعد بره البيت فرحنا النادي و قعدنا و طلبنا مشاريب فلقيتهم طلبو كابتشنو ( انا قلت في نفسي امال انت عايزهم يطلبو ايه حلبة حصا ؟!!! ) ، فكمل كلامه و قال : هو من اولها كابتشينو شكل الجوازة دي مش نافعة ، فقلتله : ليه هما طلبو ايه كمان ( و عملت نفسي متأثر و متعاطف معاه ) ، قال : و انت عايزهم يطلبو ايه كمان ؟ ، ده انا حتي اختصرت معاهم في الكلام علشان نقوم نمشي بس للاسف كنت ادبست خلاص ، فسألته : و ادبست في كام علي كده ؟ ، قال : 15 جنيه ( و حسيت بالصاعقة ) قلتله و انا ماسك نفسي : بس 15 جنيه مش كتير علي الفرد اليومين دول وللا انت شايف ايه ، قال : فرد ايه ؟ بقولك احنا التلاته 15 جنيه يعني الواحد 5 جنيه ، و بصراحة لقيت نفسي بلغي موضوع العروسة اللي كنت جايبهاله و بدأت افكر ، ان حتي البخيل في المناسبات دي بيصرف و مابيحسبهاش فمابالكم بواحد مستخسر في مناسبة زي دي ، و حبيت ابص للموضوع بشكل تاني ، و بعد ما كنت بعاتب الاهالي انهم بيعقدو الشباب بطلباتهم الكتير ، بس لقيتني كنت ظالم بعض الاهالي ، و ان فعلا في شباب مش وش جواز و مش مؤهل لده ، و فاكر ان الحياة بعد الجواز زيها زي حياة العزوبية ، و مش قادر يفرق ما بين البخل و الحرص ، و مايعرفش ان الحريص بيدفع و ممكن يبقي كريم بس الفكرة كلها انه بيدفع فلوسه بعد ما بيحسبها و في المكان الصح ، انما صاحبنا ده مش عايز يدفع حتي في اكتر المواقف اللي المفروض يصرف فيها ، علشان كده بعتذر للاهالي و بعتذر اني اعترضت علي كلام واحدة قالتلي : اللي مش قد الجواز مايتجوزش ، و نصيحتي للشباب انهم يبحبحوها شوية و يخلو المينيمام تشارج بتاعهم 6 جنيه و ربع بدل 5 جنيه ، و بالنسبة للبنات يبطلو شرب الكابتشينو و ده دور الاهالي بأنهم يربو بناتهم ان الكابتشينو ده حاجة عيب و ماتصحش .

كلمة و معنى

لاحظت ان الناس بتحاول تعمل حاجات و تغير اسمها علشان تخليها حلوة في عينهم و يمكن مالقتش احسن من كلمة التزيين اللي بتوصف اللي احنا بنعمله ، و كلمة التزيين دي موجودة في ( و زيَّن لهم الشيطان اعمالهم ) فلقيت الناس بتعمل حاجات غلط و غريبة و تخلي اسمها حلو ( او العكس ) و بيبقو متخيلين و واهمين نفسهم ان الاسم لما يتغير يبقي الفعل هو كمان بيتغير ، و دي شوية كلمات الناس اخترعتها علشان تبرر افعالها و مواقفها ،
بس المهم لو عايز تفهم الكلام صح شيل ( _ ) و حط كلمة ( مش ) :

( خيانة _ تجربة )

(البعد عن ربنا _ حرية شخصية )

( القرب من ربنا _ تطرف )

( الموسيقي _ غذاء الروح )

( ماعدش بيسمع كلام اهله _ عنده شخصية )

( جيفارا الملحد _ رمزالتصحيح و الانسانية )

( الربا _ ارباح )

( متربي _ بتاع ماما )

( الزنا _ جواز.....عرفي )

( ملتزمة في لبسها _ تخلف و رجعية )

( لابسة من غير هدوم _ موضة و اناقة )

( لابس سلسلة و مفلفل شعره و مسقط البنطلون _ روشنة و استايل )

( نصب و فلوس حرام _ شطارة و تشغيل مخ )

( السجاير _ تنفيس هم )

( اعجاب و وهم _ حب )

( كدب و نفاق _ لباقة )

( شتيمة و قلة ادب _ ابداع )

( جدار فولاذي _ حصار و عداوة )

( علاقة العرب بمصر _ اخوة و امومة )

( المغالاة في المهور و طلبات الجواز _ ضمان لمستقبل البنت )

( دكاترة نفسيين مابيسمعوش المريض _ طب نفسي )

مش قلتلك لو عايز تفهم الكلام صح حط كلمة ( مش ) مكان ( _ ) اللي بين الكلام .

اول زيارة

جه عليا اول يوم جمعة و انا في الجيش ( ايام ما كنت في الجيش) و يوم الجمعة كان اجازة و الناس بتيجي زيارة لولادها اللي في الجيش ، و زي كل الشباب اللي في مركز التدريب كان احساسنا اننا مش هانشوف ناس من بره الجيش غير بعد سنة علي الاقل ، و جت الفرصة اني اشوف الناس دول و قلت استلف تليفون من ا حد و اطمن عل اهلي و فعلا رحت ارض الزيارة مع زمايلي و بدأت اشوف ناس من جديد و الاهالي بيسلمو علي ولادهم و دموع الفرح مغرقاهم ، فاشتقت اكتر اني اسمع صوت اهلي و خصوصا اني كنت قايلهم مايجوش يزوروني ( علشان مايتعبوش نفسهم ) ، و فعلا لقيت واحد جابلي تليفون من اخوه و ماصدقت اتصل بأهلي ، خدت التليفون و اتصلت بس للاسف ماحدش رد ، فقلت اكلم اخويا و اشوف ايه الموضوع ، رد عليا و قاللي انه قاعد مع ابويا في البيت علشان امي جتلي زيارة ، ماعرفتش اعمل ايه من المفاجأة ، بصيت في الساعة لقيت الوقت بيجري و معدش غير ساعة و ربع قبل الزيارة ما تخلص ، و بدأت ادور في وشوش الناس و اللي كانو بالآلاف و قلبي بيدق و بدأت اتحرك في المكان و اروح و اجي فيه و انا بدور ، و فجأة عيني وقعت علي واحدة من بعيد و حسيت انها امي ، جريت عليها و اتأكدت انها هي و الفرحة مش سايعاني ، رحتلها و خبطت علي كتفها و بصتلي بشكل اول مرة اشوفه في عينها و مش قادر اوصفه و اترميت في حضنها و هي مفتوحة في العياط ( بصراحة ماقدرتش امسك نفسي و اتفتحت في العياط انا كمان ، و كنت اول مرة اعرف معني دموع الفرحة ، و بعد ما هدينا اطمنت منها علي ابويا و خدت تليفونها و كلمته و اطمنت عليه ، و لان الاوقات الحلوة بتعدي بسرعة لقيت الساعة عدت كانها ثانية و الزيارة خلصت و اتقلبت دموع الفرحة لدموع حزن و فراق ، و ساعتها بس عرفت قيمة النعمة اللي انا فيها ، و عرفت قيمة ان ابوك و امك يكونو راضيين عنك و بيدعولك ، و خدت نفس كبيييير و رجعت تاني للحياة العسكرية بس المرة دي و انا مطمن شوية ،
نصيحة : ( اعرف قيمة النعمة و هي بين ايدك قبل ما تروح منك ، و احمد ربنا عليها و حافظ عليها ، و خد بالك ان النعمة لو زالت مش كلها بيرجع تاني ) .

نعاتب و نسامح

لاحظت كام نوع من الناس ، ناس بتسامح من غير ما تعاتب ، و ناس بتعاتب و بعدها تسامح ، و ناس مابتسامحش سواء بعتاب او من غير عتاب ، بس لما جيت افكر في موضوع التسامح ده لقيته صعب اوي عند ناس معينة ،
و بتلاقيهم شايلين جواهم و مش قادرين ينسو بسهولة و ماببقاش عارف هما مش قادرين يسامحو مثلا لان حد غلط فيهم جامد اوي و للا علشان مش قادرين يسامحو اصلا ؟ ، بس السؤال الاهم هو ينفع اسامح بس افضل فاكر الموضوع و شايله جوايا ؟ و للا اللي بيسامح لازم ينسي كل حاجة ؟ ، و بصراحة لقيت الموضوع مش سهل لان اوقات كتير ممكن نسامح بس في حاجات بتلاقيها معلمة جواك و مش قادر تسامح فيها ، و بتبقي عاملة زي الفيروس الرخم مابيتشالش بسهولة و كل فترة تلاقي رسالة طالعالك تفكرك بيه بس لانك عايز تتخلص منه بتدور علي حاجة اقوي منه علشان تنساه خالص ، فهل معني كده انك تستني حاجة من اللي مزعلك تضيع اللي عمله او تنسيك الزعل بينكم ؟ و للا انك تعاتبه و تطلع كل اللي جواك و تشوف رد فعله يمكن يعتذر و الموضوع يخلص ؟ ، و لان الاختيار الاول صعب ( انه يعمل حاجة تنسيك ) فممكن نروح لموضوع العتاب و هو انك تجيب اللي مزعلك و تقوله بصراحة انك زعلان منه و تبين له سبب زعلك بس بشكل حلو و بسيط و من غير انفعال ، لان اوقات كتر العتاب بيزهق و بيخنق اللي قدامك ، و علي فكرة الطريقة دي بتنفع كتير اوي و عن تجربة ، بس افرض بقي انه بعد العتاب ماعتذرش ، ساعتها يا اما هو مايستحقش انك تعرفه اصلا او انك ممكن تكون غلطان او فاهم الموضوع غلط و انت اللي هاتفهم ده من كلامه ليك ،و من الاخر احسن طريقة نتعلم اننا نسامح بيها هو اننا نتعلم من النبي ( صلي الله عليه و سلم ) ، لانه كان بيقابل مصاعب كتير و مع ذلك كان بيسامح لسبب واحد و هو انه عايش لهدف واحد و هو ( ربنا ) و اي حاجة جنب الهدف ده ممكن تهون ، فحاول انك ماتخليش حاجة تعطلك عن الهدف ده ، و افتكر ان ربنا انعم عليك و اعطالك فوق ما تستحق و انت مع كل ده بتخون النعمة دي ، و مش بس اتلهيت بالنعم عن المنعم ده انت بتغضبه بيها و مع ذلك بيسامحك ، و انت ياللي اسمك ( عبد ) مش قادر تسامح ؟!!! .

جاهزة من مجاميعو

كنت قاعد بفتكر ايام ما كانت العرايس كتير قدامي و لما كنت لسة مش جاهز للجواز ، فأفتكرت يوم ما رجعت من الشغل و لقيت امي بتقوللي جايبالك عروسة مالهاش حل ، فاستغربت من الكلام خصوصا و انها عارفة ان مرتبي لسة مش كبير حتي بعد ما اترقيت ، فقلتلها ازاي ؟ ، قالتلي : بنت زي العسل و مؤهل عالي و عندها شقة و شبكتها عندها و مش بس كده ابوها شغال في بنك و مستعد يشغل جوز بنته معاه في البنك ، فمفهمتش امال انا هاتجوز بإيه ؟ بالمجهود ؟ ، و ليقت الموضوع صعب اني استوعبه و حسيت انه فيلم خيالي او حلم جميل و عارف اني هاصحي منه ، و قلت في نفسي : هو الراجل بيعمل كده ليه ؟ و هو كده مش بيرخص بنته ؟ و كده مش الشباب هايطمعو فيها ؟ ، بس لما قعدت افكر في الموضوع بهدوء و بدأت استوعبه لقيت المضوع بجد ممكن يكون صح ، و ان الراجل عايز يساعد بنته بأي طريقة و بأي تمن لدرجة انه مش عايز اكتر من شاب يحافظ علي بنته و بس ، و انا عارف ان في ناس هاتسأل : طيب ليه مارحتش تتقدملها طالما مقتنع بالكلام ، بصراحة السبب الوحيد اللي خلاني ماتقدمش لها هو موضوع الشغل ، ان البنت مستواها يعتبر عالي و لازم تعيش علي الاقل في نفس المستوي ، و في نفس الوقت ماقدرش اشتغل في بنك بسبب الشبهات الحرام اللي فيه ، و في حاجة كمان و دماغي بتروحلها كتير و هي اني كده هاعيش في املاكها و فلوسها ، فلو حصلت مشكلة بيننا هاعمل ايه و ساعتها لما تغضب هاتروح لاهلها و للا هاتقوللي روح لاهلك ههههههه ، و الراجل ممكن يعايرني بالموضوع ده و للا لا ، بلاش الراجل و خلينا في مراته اللي هي حماتي ، لو زعلت بنتها و هي طبعا حاسة انها صاحبة فضل كبير عليا و اللي انا مش هانكره بس مش هاستحمل انها تعايرني بيه ، و بصراحة عارف ان في تناقض في كلامي بس هو ده اللي كان في دماغي و احترت ما بين ( ان الشاب يختصر الامور و ياخد بنت جاهزة و يستحمل المشاكل المترتبة علي كده و يتقبل الوحش زي ما يتقبل الحلو ، او يصر انه يعتمد علي نفسه بس ساعتها ممكن يتجوز و هو بياخد مكافأة نهاية الخدمة ) .

عايز اتجوز

بجد الموضوع بقي صعب اوي ، و بدأت الاحظ حاجة غريبة و هي ان الواحد لما يعوز حاجة مايلاقيهاش او يبقي صعب يلاقيها ، و لما تكون مش عايزها تلاقيها كتير اوي قدامك ، يعني مثلا كان قدامي بنات كتير للجواز بس كنت ما بين اني لسة مش جاهز و امكنياتي ماتسمحش و اني كنت عايز مواصفات معينة بس بصراحة كنت انا اللي بتنك عليهم لاني اصلا مش جاهز و الموضوع كانت نتيجته واحدة ، المشكلة اني كنت بتكلم في موضوع قبل كده اسمه ( شاب مفلس ، بنات بتعنس ) و كنت بشتكي من الاهالي اللي بيغالو في المهور و الطلبات ، بس انا لسة ماوصلتش للمرحلة دي اساسا يعني لسة مارحتش للعروسة اللي اهلها عملو معايا كده و ده لاني مش لاقي بنت اصلا بعد ما كنت بقول انهم كتير ، و كأن البنات فجأة انقرضو او امريكا ضربت قنبلة لإزالة البنات اللي عايزين يتجوزو ، و بقيت لما بمشي في الشارع و بلاحظ بنات كتييييير و منهم اللي شكلها محترمة و منهم اللي مش محترمة بس برضو يبقي السؤال هما فين و الموضوع بالنسبة ليا مش زي ما شباب كتير بيقولو انه استقرار ، لاني اصلا ماعرفتش بنات او مثلا بضيع فلوسي علي الهلس ، الموضوع كله اني بروح الشغل و ارجع من الشغل ، فالموضوع مش هايبقي مجرد استقرار و بس ، الموضوع بالنسبةليا اكبر من كده يعني في نيتي اكيد اقامة بيت مسلم و انه يكون سبب للعفة و اعانة علي غض البصر و غيروووو بس برضو في حاجة كمان و هي اني بشر و اكيد صفات البشر بتختلف بين الراجل و الست ، علشان كده ممكن يكون جوايا حاجات ماينفعش تطلع لراجل زيي ، بمعني ان اكيد طريقة حبي لصاحبي مش زي حبي لواحدة ( اقصد مراتي ) اكيد في فرق في المشاعر و لاني جربت اني احب واحد صاحبي في الله ، فبقي لسة جوايا حب من نوع تاني عايز اطلعه ( لمراتي ) ، و علشان ماحدش يفهم غلط و يفتكر اني بتكلم عن موضوع شهواني و بس ، الموضوع اكبر من كده بكتير لاننا ببساطة مش حيوانات و اننا عندنا حاجة اسمها احاسيس و مشاعير ، و يمكن الموضوع زايد عندي شويتين لاني زي ما قلت ماعرفتش بنات ، فالموضوع بقي شبيه بالكبت و نفسي انه يتحقق النهاردة قبل بكرة ، علشان كده و في آخر الموضوع احب اقول :
( تعاطفك لواحده مش كفاية ، اتبرع و لو بعروسة ) .

فرق التعليم

و انا قاعد مع ابويا و بندردش شوية مع بعض لقيته جاب سيرة واحد صاحبه ، و عرفت منه ان الراجل ده مش متعلم ، و لأني عارف الراجل ده بشكل عام فكنت عارف انه متجوز دكتورة صيدلانية ، و بصراحة كانت مفاجأة انه يبقي مش متعلم ، فمفهمتش هو فعلا ممكن دكتورة تتجوز واحد مش متعلم ؟ ، و ايه هو الفرق في التعليم اللي يبقي مقبول بين الزوجين ، المهم اني بعد الموضوع ده بكام يوم لقيت واحد قريبي بيقوللي ان في ناس جايبين له عروسة و انها عاجباه كمواصفات ، فقالهم يقولولها ان في عريس جاي يشوفها ، فالناس ردت عليه رد غريب ، و هو ان العروسة عندها شرط ان جوزها لازم يبقي دكتور ، فقال لهم يعني مسألتكوش علي الاخلاق او السن او حتي المرتب و سابت ده كله و عايزة دكتور و خلاص ، بصراحة برضو مافهمتش وجهة نظر الآنسة المبجلة دي ، فتوقعت مثلا انها عندها مرض مزمن و عايزة توفر مصاريف الدكاترة ، او يبقي اكيد عايزة تتفشخر بيه قدام الناس و تقعد تقول في الرايحة و الجاية ( ختشيبي دكتشور ) ، و لقيت فرق شاسع بين الفكرين مابين واحدة مش مهتمة بالتعليم خالص و واحدة عايزة دكتور و بس ، طيب انا كشاب الاحسن ليا ايه ؟ ، آخد واحدة في نفس مستوي التعليم و للا ممكن اقل و للا ممكن تبقي اعلي مني ؟ ، و لقيت انه صعب انها تبقي اعلي مني لاني ساعتها هاحس انها بتتنطط عليا ، طيب لو هي اقل مني يبقي الفرق لحد فين ؟ ، و هل ممكن توصل انها تبقي مش متعلمة خالص ؟ ، للاسف مش لاقي رد علي الاسئلة دي ، و هايبقو جنب اخواتهم اللي مش عارف لهم اجابة .

كلمة و نص ...(2)

الموضوع ده فيه كلام لعلماء ، او كلام لحكماء ، او كلام لنفسي فهمته منهم :

1- ان المرأة اذا ضعُفَت و لانت غلبت الرجل الحازم و اذا قويت كُسِرت ، و اللِّين هو من صفات المرأة الصالحة الذكية .
2- تقبَّل علانية الناس و لا تحكم علي القلوب .
3- اعلم ان الله قد يبتليك بما تفهمه و لا تفهمه ( إلا بعد تدبُّر ) فكن حذر مع ما يعطيك ربك .
4- لا تقرب الفتن حتي لا تقع في شركها .
5- من دلائل تقبُّل التوبة فتح الله ابواب خير لك ( خاصة الجديدة ) و غلق ابواب الشر .
6- من فضل الله علي الشاب اذا نسك ان تتلقفه يد شيخ من اهل السنة تدله علي الصواب في الطريق .
7- الشيطان ساعدك كثيرا في الضلال فلا تتوقع منه ان يتركك عند الهداية بسهولة.
8- من ادام الطرق علي الباب فُتِح له .
9- جُبِلت القلوب علي حب من احسن اليها ، فإذا علمت ان من احسن اليك انما هو مُسَخَّر من الله فيكون حبك له ( لله ) .
10- الطريق الي الله يحتاج الي دليل و صاحب ، اما الدليل فهو شيخك و اما الصاحب هو اي شخص يعينك ، و ان كانت الزوجة فهو الخير .
11- لا يعطي اللهُ العبدَ لأن العبد يستحق و انما يعطي لأنه ( سبحانه و تعالي ) كريم.
12- مِن طُرُق غضِّ البصر حفظ الخواطر و عدم الاسترسال معها ، و اعلم ان الخاطر الضعيف يمر ببالك فيسقيه الشيطان حتي يكبر فيصبح عمل ، فاستعن بالله و احفظ خاطرك .
13- اتخاذ القرار هو اول خطوة علي الطريق .